Chiqindilarni belgilangan joyga tashlang!

Shahar sanitar holatini saqlash uchun mas'ul xizmatlar tun-u kun faoliyat olib borayotgan bir paytda, ayrim fuqarolar tomonidan chiqindilarni belgilangan joylarga tashlamaslik holatlari uchramoqda. Bu esa nafaqat shahar ko‘rkiga, balki atrof-muhitga ham zarar yetkazmoqda. Chiqindilarni belgilanmagan joylarga va tartibsiz tashlash qonunda belgilangan tartibda javobgarlikka sabab bo‘ladi. Shu sababli, tegishli tashkilotlar tomonidan nazorat kuchaytirilib, qoidabuzarliklarga qarshi qat’iy choralar ko‘rilmoqda. 

 2025-yil mart oyining o‘tgan davri mobaynida:
Sanitariya-epidemiologik osoyishtalik va jamoat salomatligi boshqarmasi – 26 ta,
Milliy gvardiya boshqarmasi – 337 ta,
Ekologiya, atrof-muhitni muhofaza qilish va iqlim o‘zgarishi boshqarmasi – 176 ta,
Ichki ishlar bosh boshqarmasi – 2099 ta shunday holatlarni aniqlagan.

Poytaxt bo‘yicha aniqlangan jami 2638 ta qoidabuzarlik uchun 1 110 500 000 so‘m miqdorida jarimalar belgilandi.

Tegishli tashkilotlar ushbu ishlarni davom ettiradi.

 Asl yechim – ijtimoiy mas'uliyat, axloq va tozalikni sevish!
 Toza shahar – siz-u bizniki!